काठमाडौं । नेपालमा बितेको २४ घण्टामा १ हजार ७ सय ५ जना कोरोना मुक्त भएर घर फर्किएका छन् । जुन संख्या अहिलेसम्मकै उच्च हो । यो सँगै हालसम्म नेपालमा कोरोना संक्रमण मुक्त हुनेको संख्या १० हजार २ सय ९४ पुगेको स्वास्थ्य मन्त्रालयका प्रवक्ता डा जागेश्वर गौतमले बताए ।
हालसम्म १६ हजार ९ सय ४५ जनामा कोरोना संक्रमण देखिएको छ । बितेको २४ घण्टामा थप १ सय ४४ कोरोना संक्रमित थपिएका छन् । त्यस्तै हाल नेपालमा ६ हजार ६ सय १३ जना देशका विभिन्न अस्पतालमा उपचाररत रहेको प्रवक्ता गौतमले बताए ।
कुन प्रदेशमा कति छन् उपचाररत ?
प्रदेश नं १ मा १ सय ८३ जना
प्रदेश नं २ १ हजार ८ सय ७२ जना
बाग्मती प्रदेशमा ४ सय ५८ जना
गण्डकी प्रदेशमा ४ सय ९८ जना
प्रदेश नं ५ मा ७ सय २९ जना
कर्णाली प्रदेशमा ३ सय ६१ जना
सुदूरपश्चिम प्रदेशमा २ हजार ५ सय १२ जना
यो खबर पढेर तपाईलाई कस्तो महसुस भयो ?
प्रतिक्रिया