२०७७, २६ असार शुक्रबार २३:२३

प्रम ओली र चिनियाँ राजदूतबारे आपत्तिजनक सामग्री प्रकाशन गर्ने भारतीय टिभी च्यानलले माफी माग्यो


प्रकाशित मिति : २०७७, २६ असार शुक्रबार २३:२३

काठमाडौं । प्रधानमन्त्री केपी शर्मा ओली र नेपालस्थित चिनियाँ राजदूतलाई जोडेर आपत्तिजनक सामग्री प्रशारण गर्ने भारतीय टिभी च्यानल जी न्यूजले माफी मागेको छ ।
भारतीय च्यानलको सामग्रीलाई लिएर चौतर्फी विरोध हुनुका साथै नेपालमा भारतीय च्यानलमा प्रतिबन्धसमेत लागेपछि सो च्यानलले शुक्रबार सार्वजनिक सूचना जारी गर्दै माफी मागेको हो ।

सो च्यानलले चिनियाँ राजदूत यान्छीसँग जोडेर ‘ओलीकी इस्किया’ कार्यक्रम चलाएपछि विवाद भएको छ ।

‘भारत र नेपालबीच सदैव सदैव मैत्रीपूर्ण सम्बन्ध रहँदै आएको छ। दुई देशको सम्बन्ध सांस्कृतिक, राजनीतिक र ऐतिहासिक रुपमा पनि बलियो छ। हामी नेपाली जनताको भावनाको आदर र सम्मान गर्छौं’, माफी माग्दै जी न्यूजले भनेको छ, ।
च्यानलमा त्रुटीवश प्रसारित कार्यक्रमबाट नेपाली जनताको भावनामा चोट पुगेको भए खेद व्यक्त गरेको समेत सार्वजनिक सूचनामा भनिएको छ ।
नेपाल भारतबीचको सीमा विवादमा भारतीय मिडियाले चीनसमेतलाई मुछेर आक्रामक सामग्री प्रशारण गर्दै आएका छन् ।

प्रतिक्रिया दिनुहोस