कोरोनाको प्रकोप : अमेरिकामा एकैदिन थपिए ४६ हजार बढी संक्रमित, बढ्न थाले मृतक

काठमाडौं । कोरोना भाइरसको महामारी अहिलेसम्म विश्वका २१३ वटा देशहरुमा फैलिसकेको छ ।

चीनको वुहान शहरमा गत वर्षको डिसेम्बर अन्तिम साता देखिएको कोरोना भाइरसको संक्रमणले अहिलेसम्म विश्वमा ५ लाख १३ हजार ९१३ जनाको मृत्यु भईसकेको छ भने १ करोड ५ लाख ८५ हजार १५२ जनालाई संक्रमण भएको छ ।

त्यस्तै ५७ लाख ९५ हजार ९ जना कोरोना संक्रमण मुक्त भएका छन् भने विश्वमा ५७ हजार ७८८ जनाको स्वास्थ्य अवस्था गम्भीर रहेको छ ।

त्यस्तै विश्वमा अहिले ४२ लाख ७६ हजार २३० जना स्वास्थ्योपचार गराईरहेका छन् । पछिल्लो २४ घण्टामा विश्वमा ७२७ जनाको मृत्यु भईसकेको छ भने ७ हजार ३९६ जना नयाँ संक्रमित थपिएका छन् ।

यसैबीच कोरोनाबाट सबैभन्दा धेरै प्रभावित देश अमेरिकामा अहिलेसम्म १ लाख ३० हजार १२२ जनाको मृत्यु भएको छ भने २७ लाख २७ हजार ८५३ जनालाई संक्रमण भएको छ ।

त्यहाँ ११ लाख ४३ हजार ३३४ जना स्वास्थ्योपचार पछि निको भएका छन् भने १५ हजार ९३५ जनाको स्वास्थ्य अवस्था गम्भीर रहेको छ ।

अमेरिकाको न्यूयोर्कमा ३२ हजार १२९ जनाको मृत्यु भईसकेको छ भने ४ लाख १७ हजार ८३६ जनालाई संक्रमण भएको छ ।

क्यालिफोर्नियामा ६ हजार ८१ जनाको मृत्यु भएको छ भने २ लाख ३० हजार ८९१ जनालाई संक्रमण भएको छ ।

न्यूजर्सीमा १५ हजार १७७ जनाको मृत्यु भएको छ भने १ लाख ७६ हजार ९५४ जनालाई संक्रमण भएको छ ।

अमेरिकामा मंगलवार मात्रै ४६ हजार ४२ जना संक्रमित थपिएका छन् भने ७६४ जनाको मृत्यु भएको छ ।