बुरुण्डीका राष्ट्रपतिको निधन, सात दिने शोकको घोषणा

काठमाडौं । अफ्रिकी मुलुक बुरुण्डीका राष्ट्रपति पियरा कुरुन्जिजाको निधन भएको छ । ५५ वर्षीय राष्ट्रपति पियराको हृदयाघातका कारण निधन भएको बताइएको छ ।

स्वास्थ्यमा समस्या आएको भन्दै गत शनिवार अस्पताल भर्ना भएका पियराको उपचारकै क्रममा निधन भएको अन्तर्राष्ट्रिय सञ्चारमाध्यमहरुले बताएका छन् ।

तर कोहिले भने उनको मृत्यु कोरोनाका कारण उत्पन्न स्वास्थ्य समस्याले गर्दा भएको आशंका गरेका छन् ।

राष्ट्रपति पियराको निधनमा बुरुण्डीमा सातदिने शोकको घोषणा गरिएको छ ।

पियरा विगत १५ वर्षदेखि सत्तामा रहेका थिए । तेस्रो कार्यकालका लागि पनि चुनाव लड्ने घोषणा गरेपछि बुरुण्डीमा राजनीतिक विवाद उत्पन्न भएको थियो ।

एजेन्सीको सहयोगमा