कोरोनाको प्रकोप : अमेरिकामा मृतकको संख्यामा २७ मार्च यताकै कमी

काठमाडौं । कोरोना भाइरसको महामारी अपहले सारा व्श्विमा नै व्याप्त छ । यो समाचार तयार पार्दासम्म विश्वमा ४ लाख ६ हजार १९२ जनाको मृत्यु भईसकेको छ भने ७० लाख ९१ हजार ६३४ जनालाई संक्रमण भएको छ ।

त्यस्तै ३४ लाख ६१ हजार ६१ जना स्वास्थ्योपचार पछि निको भएका छन् भने ५३ हजार ७५३ जनाको स्वास्थ्य अवस्था गम्भीर रहेको छ ।

यसैबीच अमेरिकामा कोरोना भाइरसको महामारीका कारण अहिलेसम्म १ लाख १२ हजार ४६९ जनाको मृत्यु भईसकेको छ भने २० लाख ७ हजार ४४९ जनालाई संक्रमण भएको छ ।

त्यहाँ ७ लाख ६१ हजार ७०८ जना स्वास्थ्योपचार पछि निको भएका छन् भने १६ हजार ९२३ जनाको स्वास्थ्य अवस्था गम्भीर रहेको छ ।

अमेरिकाको न्यूयोर्कमा अहिलेसम्म ३० हजार ४४२ जनाको महामारीका कारण मृत्यु भएको छ भने ३ लाख ९८ हजार ८२८ जनालाई संक्रमण भएको छ ।

त्यस्तै न्यूजर्सीमा १ लाख ६६ हजार ६ जनालाई संक्रमण भएको छ भने १२ हजार २१६ जनाको मृत्यु भईसकेको छ ।

त्यस्तै अमेरिकामा आईतवार १८ हजार ९०५ जना संक्रमित थपिएका छन् भने ३७३ जनाको मृत्यु भएको छ ।

अमेरिकामा २७ मार्च देखि यता कोरोनाबाट मृत्यु हुनेमा पहिलो पटक यति धेरै कमी आएको हो ।