ताइवानको खाडी हुँदै गयो अमेरिकी युद्धपोत, चीनमा बढ्यो त्रास

काठमाडौं । अमेरिका र चीनमा कोरोना भाइरसको संक्रमणलाई लिएर पहिल्यैबाट तनाव जारी छ ।

यसैबीच दक्षिण चीन सीमाको ताइवान खाडी हुँदै शुक्रवार अमेरिकी युद्धपोत गएपछि चीन ससंकीत बनेको छ ।

चीन पहिला देखि नै ताइवानलाई आफ्नो भूमी बताउँदै आएको छ । तर ताइवानले भने आफूलाई स्वतन्त्र राष्ट्र घोषणा गरेको छ ।

चीन र अमेरिकामा बढ्न सक्छ तनाव

चीनको सरकारले पहिला देखि नै ताइवानलाई मिलिरहेको अमेरिकाको सहयोगबाट रिसाईरहेको छ ।

यस्तो स्थितीमा ताइवानको खाडीबाट अमेरिकी युद्धपोत जानुले चीन थप ससंकीत बनेको छ ।

ताइवानको रक्षा मन्त्रालयका अनुसार शुक्रवार अमेरिकी युद्धपोत ताइवान साउथ चाइनाबाट नियमित गस्तीको लागि आएको थियो ।

मन्त्रालयका अनुसार ताइवानको शसस्त्र बलले जहाँजलाई सुरक्षा प्रदान गरेको थियो । उक्त जहाँजको नाम Arleigh Burke-Class Destroyer यूएसएस रसेल रहेको छ ।

चीनले अमेरिकालाई दिएको थियो कडा चेतावनी

केहि समय अगाडि मात्र ताइवानी राष्ट्रपति त्साई इंग वेनको जीतलाई लिएर अमेरिकाले बधाई दिएको थियो जसमा चीनले अमरिकामाथि आपत्ति जनाएको थियो ।

विदेश मन्त्री माइक पोम्पियोले उनलाई बधाई दिएका थिए ।

एजेन्सीको सहयोगमा