काठमाडौं । अफगानिस्तान र सीमावर्ती क्षेत्र पाकिस्ततानको उत्तर पश्चिम प्रान्तमा सडक किनारमा एक बम बिस्फोट भएको छ ।
बम बिस्फोटका कारण दुई शिक्षकको मृत्यु भएको अन्तर्राष्ट्रिय सञ्चारमाध्यमहरुले बताएका छन् ।
खैबर पख्तुनख्वा प्रान्तको बाजुअर जिल्लामा बम ब्लास्ट हुँदा बाइकमा सवार दुई शिक्षकको मृत्यु भएको हो । उनीहरु स्कूलबाट घर जाँदै थिए ।
स्थानीयहरुका अनुसार निजी स्कूलमा अध्यापन गराउने अब्दूल रहमान र एक सरकारी स्कूलका शिक्षक इस्माइलको मृत्यु भएको हो ।
घटना पश्चाद् त्यको अनुसन्धानका लागि प्रहरी खटिएको छ । अहिलेसम्म कुनै आतंककारी समूहले यसको जिम्मेवारी लिएको छैन ।
पाकिस्तानी सेनाले सन् २०१४ मा उत्तरी विजिरिस्तानमा आतंकवादीहरुलाई नष्ट गर्ने र त्यो क्षेत्रमा लगभग एक दशक लामो विद्रोहलाई समाप्त गर्ने अभियान चलाएको थियो ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया