काठमाडौं । विश्वव्यापी महामारीको रुपमा फैलिएको कोरोना भाइरस (कोभिड १९) को कारण विश्वभर यो समाचार तयार गर्दासम्म ३९ लाख ७५ हजार ५ सय ९३ जनामा कोरोना भाइरसको संक्रमण फैलिएको छ । भने २ लाख ७३ हजार ८ सय ९५ जनाको ज्यान गइसकेको छ । त्यस्तै १३ लाख ७१ हजार मानिस उपचारपछि निको भएर घर फर्किएका छन् । भने हालसम्म कोरोना संक्रमित मध्ये ४८ हजार ५ सय ८८ जनाको अवस्था गम्भीर रहेको वल्डोमिटरको तथ्यांकले देखाएको छ ।
त्यस्तै विश्वमा सबैभन्दा बढी कोरोना संक्रमित र मृतक रहेको देश संयुक्त राज्य अमेरिकामा हालसम्म कोरोनाको कारण ७७ हजार ६ सय २९ जनाको ज्यान गइसकेको छ । भने यो समाचार तयार पार्दासम्म १३ लाख ३ हजार ५ सय ४४ जना कोरोना संक्रमणको शिकार भएका छन् । बितेको २४ घण्टामा मात्र कोरोनाको कारण ७ सय बढीको ज्यान गएको र १० हजार ९ सय २१ जना नयाँ संक्रमित थपिएका छन् ।
त्यस्तै स्पेनमा हालसम्म कोरोनाको कारण हालसम्म २६ हजार २ सय ९९ जनाको ज्यान गएको छ । भने त्यहाँ २ लाख ६० हजार १ सय १७ जनामा कोरोना संक्रमण फैलिएको छ । त्यस्तै बितेको २४ घण्टामा मात्र त्यहाँ कोरोनाको कारण २ सय बढीको मृत्यु भएको र ३ हजार बढीमा संक्रमण फैलिएको तथ्यांकले देखाएको छ ।
त्यस्तै इटालीमा हालसम्म कोरोनाको कारण ३० हजार २ सय १ जनाको ज्यान गएको र २ लाख १७ हजार १ सय ८२ जनामा संक्रमण देखिएको छ । त्यस्तै त्यहाँ बितेको २४ घण्टामा कोरोनाको कारण २ सय ४३ जनाको ज्यान गएको र १ हजार ३ सय २७ जना नयाँ संक्रमित थपिएको वल्डोमिटरको तथ्यांकले देखाएको छ ।
त्यस्तै अर्काे बेलायतमा बितेको २४ घण्टामा कोरोनाको कारण ६ सय २६ जनाको ज्यान गइसकेको छ । हालसम्म त्यहाँ कोरोनाको कारण ३१ हजार बढीको ज्यान गइसकेको छ भने २ लाख ११ हजार ३ सय ६४ जनामा कोरोना संक्रमण देखिएको वल्डोमिटरको तथ्यांकले देखाएको छ ।
त्यस्तै रसियामा बितेको २४ घण्टामा मात्र १० हजार ६ सय ९९ जनामा कोरोना संक्रमण देखिएको छ । भने हालसम्म कोरोनाको कारण त्यहाँ १ हजार ७ सय २३ जनाको ज्यान गइसकेको छ । त्यस्तै १ लाख ८७ हजार ८ सय ५९ जनामा कोरोना संक्रमण फैलिएको छ । साथै हालसम्म २६ हजार बढी मानिस कोरोना उपचारपछि निको भएर घर फर्किएका छन् ।
त्यस्तै फ्रान्समा बितेको २४ घण्टामा कोरोनाको असर देखिएको छैन् । हालसम्म त्यहाँ कोरोनाको कारण २५ हजार ९ सय ८७ जनाको ज्यान गइसकेको र १ लाख ७४ हजार ७ सय ९१ जनामा कोरोना संक्रमण फैलिएको छ । भने हालसम्म कोरोना उपचारपछि घर फर्किनेको संख्या ५५ हजार २७ पुगेको छ ।
ब्राजिलमा १ लाख ४० हजार २३ जनामा कोरोना भाइरस (कोभिड १९ ) संक्रमण देखिएको छ । जसमा ९ हजार ६ सय जनाको मृत्यु भएको छ । संक्रमितमध्ये ५५ हजार ३ सय ५० जना उपचारपछि निको भएका छन् भने ७५ हजार ७३ जना उपचाररत रहेका छन् । तिमध्ये ८ हजार ३ सय १८ जनाको अवस्था गम्भिर रहेको छ । वितेको २४ घण्टामा मात्र ब्राजिलमा ४ हजारबढी संक्रमित थपिएका छन्
भारतमा कोरोना भाइरस पनि ( कोभिड १९ ) को संक्रमण वितेको केहीदिनयतामा उच्च देखिएको छ । वल्डोमिटरको अनुसार भारतमा अहिलेसम्म ५९ हजार २ सय ५ जनामा कोरोना संक्रमण देखिएको छ भने १ हजार ९ सय ० जनाको मृत्यु भइसकेको छ । संक्रमितमध्ये १७ हजार ६ सय ९ जना उपचारपछि घर फर्किएका छन् भने ३९ हजार ५ सय २७ जना उपचाररत छन् । बितेको २४ घण्टाको अवधीमामात्र भारतमा २ हजार ८ सय ५४ जनामा संक्रमण देखिएको छ भने ९१ जनाको मृत्यु भएको छ । त्यहा अहिलेसम्म १४ लाख ३७ हजार ७ सय ८८ जनामा कोरोना परिक्षण गरिएको छ ।
साउदी अरबमा ३५ हजार ४ सय बढीमा कोरोना संक्रमण, कस्तो छ अन्य खाडी मुलुकको अवस्था ?
काठमाडौं । हालसम्म साउदी अरबमा कोरोनाको कारण २२९ जना मानिसको ज्यान गइसकेको छ । भने ३५ हजार ४ सय ३२ जनामा कोरोना संक्रमण देखिएको छ ।
त्यस्तै अर्को खाडी राष्ट्र कुवेतमा कोरोनाको कारण यो समाचार तयार पार्दासम्म ४७ जना मानिसको ज्यान गइसकेको छ । भने त्यहाँ ७ हजार २ सय ८ जना मानिसमा कोरोना संक्रमण देखिएको छ । साथै ती मध्ये २ हजार ४ सय ६६ जना उपचारपछि निको भएको तथ्यांकले देखाएको छ ।
त्यस्तै अर्को खाडी मुलुक युनाइटेड अरब इमिरेट्स युएइमा कोरोनाको कारण हालसम्म १७४ जना मानिसको ज्यान गइसकेको छ, भने १६ हजार ७ हजार ९३ जना मानिसमा कोरोना संक्रमण देखिएको तथ्यांकले देखाएको छ ।
यो समाचार तयार पार्दासम्म कोरोनाको कारण विश्वभर २ लाख ७४ हजार ५७ जना मानिसको मृत्यु भइसकेको छ । भने ३९ लाख ७७ हजार ९ सय ९१ जना मानिसमा कोरोना संक्रमण देखिएको छ । त्यस्तै विश्वभर स्वास्थ्य लाभ गरी घर फर्कनेको संख्या १३ लाख ७२ हजार ४९ जना रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया