काठमाडौं । सारा विश्वमै कोरोना भाइरसबाट अत्याधिक प्रभावित देश अमेरिकामा एक पछि अर्काे महामारी आईरहेको छ ।
कोरोनाको कहरका बीच अमेरिकामा भयंकर टोर्नाडो तुफान र बवन्डरले अमेरिकाका दुई राज्यमा ठूलो क्षति गरेको छ । बुधवार देखि शुरु भएको भषण टोर्नाडोले सयौँ सम्पदाहरु नष्ट गरेको छ ।
त्यस्तै अन्तर्राष्ट्रिय सञ्चारमाध्यमका अनुसार अहिलेसम्म टोर्नाडोका कारण ७ जनाको मृत्यु भईसकेको बताइएको छ भने दजर्नाैं मानिसहरु घाईते भएको बताइएको छ ।
मौसम विभागका अनुसार, दक्षिणी राज्यमा तुफान फरक फरक समयमा आउन सक्नेछ । त्यसैले सरकारले नागरिकहरुलाई सतर्कता अपनाउन आग्रह गरिरहेको छ ।
दुई राज्यमा अत्याधिक हानी
अन्तर्राष्ट्रिय सञ्चारमाध्यमहरुका अनुसार, अमेरिकाका दुई राज्य ओक्लाहोमा र टेक्सासमा बुधवार देखि तुफानले अत्याधिक क्षति पुर्याइरहेको छ ।
Severe thunderstorms and heavy rainfall expected over parts of the Southeast and the Eastern Gulf Coast. Wherever you are, be prepared! https://t.co/RZqkvxDdgw #WeatherReady pic.twitter.com/lwJMtz9WHM
— National Weather Service (@NWS) April 23, 2020
मौसम विभागको अलर्ट कायमै
सञ्चारमाध्यमहरुका अनुसार अमेरिकाका केहि क्षेत्रमा मौसमको अवस्था बदलीरहने भएकोले टोर्नाडो अझै पनि आउन सक्ने बताइएको छ ।
अमेरिकाको लुईसिनियादेखि लिएर जर्जियासम्म टोर्नाडो असर पर्नसक्ने केन्द्रले चेतावनी दिएको छ । ठूलो हावाहुरी र भीषण वर्षा हुनसक्ने बताइएको छ ।
केहि क्षेत्रमा भने असनिासहित ठूलो पानी पर्ने सम्भावना रहेको बताइएको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया