काठमाडौं । कोरोना भाइरसको महामारी अहिले सारा विश्वले नै झेलिरहेको छ । पाकिस्तानले पनि कोरोना भाइरसको समस्या झेलिरहेको छ ।
महामारीबाट बच्न र सतर्क रहनका लागि केशि देशहरुले पूरा देश नै लकडाउन गरेका छन् । जसकारण धेरै जसो मानिसहरु घरमै बसिरहेका छन् ।
पाकिस्तानले पनि केहि ठाउँमा लकडाउन गरेको छ । तर आम सर्वसाधरणहरुले लक डाउनको नियम उल्लंघन गरेपछि पाकिस्तानी पुलिसले उनीहरुलाई नियम नमानेको सजाय दिएको छ ।
मानिसहरुले सरकारले लकडाउन गर्दा पनि नियम नमानेपछि उनीहरुलाई पुलिसले बीच सडकमै कुखुरा बनाएको हो । त्यति मात्रै होइन, नियम तोड्नेहरुले हात जोडेर माफी पनि मागेका छन् ।
अहिले उक्त घटना सम्बन्धी भिडियो अत्याधिक भाइरल बनिरहेको छ । उक्त भिडियो पाकिस्तानकी एक पत्रकार नायला इनायतले आफ्नो ट्वीटर अकाउण्टमा शेयर गरेकी छन् ।
You defy coronavirus lockdown, you become murghas. Karachi police, please keep them 6 ft apart. pic.twitter.com/OA4cegTw7Y
— Naila Inayat नायला इनायत (@nailainayat) March 23, 2020
भिडियोमा कराँची पुलीसले ११ जना नियम तोडेर बाहिर निस्किएका मानिसहरुलाई बीच सडकमै कुखुरा बनाएको हो ।
पुलिस थाना नजिकै उनीहरु सबैलाई कुखुरा बनाइएको थियो । तर नायलाले भिडियोको क्याप्सनमा पुलिस कुखुरा बनाउने प्रयासमा आफैँ कुखुरा बनेको बताएकी छन् ।
उनले लेखेकी छन्, ‘कमसेकम अर्काेलाई सजाय दिँदा आफू उनीहरु भन्दा ६ फिट टाढा बस्न भने बिर्सिएका छन् ।’
पाकिस्तानमा आजसम्म कोरोनाका कारण ६ जनाको मृत्यु भईसकेको छ भने ८०४ भन्दा धेरैमा कोरोनाको संक्रमण देखा परेको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया