काठमाडौं । भारतको महाराष्ट्रस्थित पुणेमा ब्राण्डेड कम्पनीका स्यानेटाइजर लुकाएर डुप्लीकेट स्यानेटाइजर बनाएपछि सोमवार पुणेको अपराध शाखाले दुई जनालाई पक्राउ गरेको छ ।
एक वरिष्ठ पुलिस निरीक्षक अरुण वायकरले सिनर्जी हाइजिनिक कर्पाेरेसनमा छापा मारेर आरोपीहरु पराग दोशी र हरेस बेरालाई गिरफ्तार गरेको बताएका छन् ।
आरोपीहरुलाई कारवाहीका लागि अदालतमा पेश गरिएको थियो । सजायस्वरुप अदालतले उनीहरुलाई तीन दिनका लागि पुलिस हिरासतमा पठाएको भारतीय सञ्चारमाध्यमहरुले जनाएका छन् ।
कोरोना भाइरसको महामारीलाई मध्येनजर गर्दै स्यानेटाइजरको माग बढिरहेको बेला नक्कली स्यानेटाइजर बनाएको पाइएपछि उनीहरुलाई पक्राउ गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया