स्ववियु निर्वाचनको मिति यसै साता तोकिने

काठमाडौं । स्वतन्त्र विद्यार्थी युनियन (स्ववियु) निर्वाचनको मिति यहि साताभित्र तोकिने भएको छ ।

त्रिभुवन विश्वविद्यालयले नेविसंघसँग यो हप्ताभित्रै मिति तोक्ने सहमति गरेको हो । स्ववियु निर्वाचन फागुनमा गर्ने तय भए पनि कति गते गर्ने भन्ने तय भएको छैन ।

एक हप्ताभित्र फागुनमा हुने महाधिवेशनको मिति तोक्ने र एक महिना अगाडि नै कार्यतालिका सार्वजनिक गर्ने सहमति भएको नेविसंघ त्रिभुवन विश्व विद्यालयका इकाई सभापति हरी आचार्यले जानकारी दिए ।

त्यस्तै विश्वविद्यालयको प्रांगणभित्र बनेको प्रहरी भवन पनि हटाउने सहमति भएको छ ।