मोटरसाइकल चोरी गरेको अभियोगमा नुवाकोटका २ युवक पक्राउ

काठमाडौं । मोटरसाइकल चोरी गरेको अभियोगमा प्रहरीले काठमाडौं महानगरपालिका-१५ डल्लुबाट २ जनालाई पक्राउ गरेको छ \

पक्राउ पर्नेहरुमा नुवाकोट ककनी गाउँपालिका-४ ककनी घर भई काठमाडौं बालाजु बस्ने ३१ वर्षीय रंजित तामाङ र २३ वर्षीय सागर तामाङ रहेका छन् ।

सोही ठाउँस्थित सडकमा बा.७४ प ७०८८ नम्बरको पल्सर मोटरसाइकल चोरी गरी लैजाँदै गरेको अवस्थामा महानगरीय प्रहरी वृत्त स्वयम्भूबाट खटिएको प्रहरी टोलीले मंगलबार पक्राउ गरेको हो ।
यस सम्बन्धमा थप अनुसन्धान भइरहेको प्रहरीले जनाएको छ ।