घुस खाने लोकमानका मान्छेका कारण नखानेलाई तनाव

यति एयरलाइन्सका मालिक आङछिरिङ शेर्पाले दुर्घटनामा ज्यान गुमाउँदा नेपाल पर्वतारोहण संघका अध्यक्ष रहेका आङछिरिङ शेर्पालाई धेरैले श्रद्धाञ्जली दिए । नाम र कार्यक्षेत्र एउटै हुँदा यस्तो अवस्था आएको थियो ।
आजको दृष्टि साप्ताहिक लेख्छ–नाम मिलेकै कारण एक उपसचिवले अहिले घुस्याहा भन्दै गाली खाइरहेका छन् । अभद्र व्यवहार मुद्दाका आरोपसँग घुस खाएको आरोपमा दोलखाका सीडीओ खगेन्द्रप्रसाद रिजालले घुस खाएको विषय बाहिर आयो । उनलाई सरुवा गरेर गृहमन्त्रालयले छानबिन थालेको छ । तर, यतिबेला प्रधानमन्त्री तथा मन्त्रिपरिषद् कार्यालयमा कार्यरत उपसचिव खगेन्द्र रिजालले तनाव झेलिरहेका छन् । किनकि दुवैको जनाको नाम र थर एकै र दुवैको पद पनि उपसचिव । आफन्तहरुले फने गरेर तनाव दिएपछि प्रम कार्यालयमा कार्यरत उपसचिव रिजालले फेसबुकबाटै स्पष्टीकरण दिनुपरेको छ ।

घुस खाने रिजाल गोरखाका हुन् भने प्रम कार्यालयका रिजाल दैलेखका हुन् । घुस खाने रिजाल विगतमा अख्तियार दुरुपयोग अनुसन्धान आयोगमा सहायक प्रवक्ता थिए । उनी लोकमानसिंह कार्कीका विश्वासपात्र थिए ।