२२ कार्तिक २०७६, शुक्रबार २१:५२

नेपाल र भारतको बीचमा रहेको सीमा समस्याबारे छलफल गर्न सर्वपक्षीय बैठक आह्वान


प्रकाशित मिति : २२ कार्तिक २०७६, शुक्रबार २१:५२

काठमाडौँ । नेपाल र भारतको बीचमा रहेको सीमा समस्यालगायतका विषयमा छलफल गर्न प्रधानमन्त्री केपी शर्मा ओलीले सर्वपक्षीय बैठक आह्वान गर्नुभएको छ । प्रधानमन्त्रीका प्रेस सल्लाहकार डा कुन्दन अर्यालकाअनुसार पूर्वप्रधानमन्त्री, पूर्वपरराष्ट्रमन्त्रीलगायतसँग प्रधानमन्त्रीले शनिबार छलफल गर्न लाग्नुभएको हो ।

“प्रधानमन्त्रीले सीमा समस्या समाधानका लागि भारतसँग कूटनीतिक तवरले नै वार्ता गरी समस्या समाधान गर्न सबैसँग छलफल गर्न बैठक आह्वान गर्नुभएको हो”, सल्लाहकार डा अर्यालले भन्नुभयो । बैठकमा सत्तारुढ नेपाल कम्युनिस्ट पार्टी (नेकपा), प्रमुख प्रतिपक्षी दल नेपाली काङ्ग्रेसलगायतका राजनीतिक दल, पूर्वपरराष्ट्रमन्त्री तथा नेपाल भारत सीमाबारे जानकारहरुको सहभागिता हुनेछ ।

भारत सरकारले पछिल्लो पटक सार्वजनिक गरेको नक्शामा लिपुलेक, कालापानी, लिम्पियाधुरालगायतको नेपाली भूभाग पारेको भन्दै विरोध भइरहेको छ । सत्तारुढ नेकपा निकटको विद्यार्थी सङ्गठन अनेरास्ववियू, प्रमुख प्रतिपक्षी नेपाली काङ्ग्रेस निकटको भातृ सङ्गठन नेपाल विद्यार्थी सङ्घले सीमाका बारेमा भारतले सार्वजनिक गरेको नक्शाको विरोध गरिरहेका छन् ।

आज पनि भारतीय दूतावास नजिक विभिन्न समूहले प्रदर्शन गर्दै विरोध गरेका थिए । परराष्ट्र मन्त्रालयले यही कात्तिक २० गते प्रेस विज्ञप्तिमार्फत कालापानी क्षेत्र नेपालको भूभाग भएको स्पष्ट पारिसकेको छ । परराष्ट्र मन्त्रालयले जारी गरेको विज्ञप्तिमा भनिएको थियो –कालापानी क्षेत्र नेपालको भूभाग हो ।

प्रतिक्रिया दिनुहोस
अतिक्रमित भूमि सुरक्षाको माग गर्दै दायर रिटमा सर्वोच्च अदालतले माग्यो सरकारसँग लिखित जवाफ

  काठमाडौँ । अतिक्रमित भूमि सुरक्षाको माग गर्दै दायर रिटमा सर्वोच्च अदालतले सरकारसँग

बङ्गलादेशका राष्ट्रपतिको भ्रमण दलका सदस्य चन्द्रागिरिमा

काठमाडौं । बङ्गलादेशका राष्ट्रपति मोहम्मद अब्दुल हमिदको नेपाल भ्रमण दलमा रहेका सदस्यले आज

कर्णाली नदीमा डुंगा दुर्घटना

काठमाडौं । कर्णालीमा डुंगा दुर्घटना भएको छ । अछामको ढकारी गाउँपालिकास्थित बेतान कर्णाली

आमासहित २ छोरीको विभत्स हत्या प्रकरण : पूर्णबहादुरसहित २ जना पक्राउ

काठमाडौं । गत कात्तिक १६ गते गुल्मिको चन्द्रकोटमा एक महिला र दुई बालिकासहित