अनुपस्थित सांसदको पद जोगाइदिँदै सभामुख महरा

संसदको बर्खे अधिवेशन अवधिमा लगातार १० दिनभन्दा बढी १५ जना सांसद अनुपस्थित भएका छन् ।

संविधानको धारा ८९ को खण्ड (घ) मा कुनै पनि संघीय संसदको सदस्य सम्बन्धित सदनलाई सूचना नदिई लगातार १० वटा बैठकमा अनुपस्थित रहेमा संसद सदस्यता रिक्त हुने उल्लेख छ ।

तर बिना सूचना लामो समय अनुपस्थित हुने सांसदलाई पनि अहिलेसम्म कुनै कारबाही गरिएको छैन ।

जिल्ला भ्रमण, विदेश भ्रमण, घरायसी काममा व्यस्त रहेकाले उपस्थित हुन नसकेको भन्ने जानकारी दिएको भन्दै उनीहरुको अनुपस्थितिलाई सभामुख कृष्ण बहादुर महराबाट सदर गरिएको छ । नागरिक दैनिकमा खबर छ ।