काठमाडौं । संयुक्त राज्य अमेरिकाले आफ्नो आपतकालीन तेल भण्डारबाट पहिलो चरणमा ४ करोड २५ लाख ब्यारेल तेल निकालेर कम्पनीहरूलाई दिने निर्णय गरेको छ ।
अमेरिकी ऊर्जा मन्त्रालयका अनुसार, कुल १७ करोड २० लाख ब्यारेल तेल निकाल्ने योजनामध्ये अहिले पहिलो चरण सुरु गरिएको हो ।
यो तेल वितरण प्रक्रिया गत शुक्रबारदेखि सुरु भइसकेको मन्त्रालयले जनाएको छ ।
मन्त्रालयका अनुसार, अहिले तेल लिने कम्पनीहरूले पछि कुल ५ करोड ५० लाख ब्यारेल तेल फिर्ता गरेर भण्डार पुनः भर्ने अपेक्षा गरिएको छ ।
यसअघि मार्च १२ मा अमेरिकाले १२० दिनभित्र आफ्नो रणनीतिक भण्डारबाट १७ करोड २० लाख ब्यारेल तेल निकाल्ने घोषणा गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया