काठमाडौं । अमेरिका र इजरायलले इरानमाथि गरेको आक्रमणपछि मध्यपूर्वमा तनाव उच्च बिन्दुमा पुगेको छ ।
लेबनानका राष्ट्रपति जोसेफ आउनले उच्च रक्षा परिषद्को बैठकमा सबै पक्षलाई राष्ट्रिय जिम्मेवारी निर्वाह गर्न आग्रह गर्दै भने, ‘युद्ध वा शान्तिको निर्णय गर्ने अधिकार संवैधानिक रूपमा सरकारमा निहित छ ।’
परिषद्ले जनतालाई आवश्यक आपूर्ति सुनिश्चित गर्न र अधिकारीहरूलाई सुरक्षित हवाई यातायात कायम गर्न निर्देशन दिएको छ ।
यसैबिच, हिजबुल्लाह नेता शेख नइम कासिमले अमेरिका र इजरायलमाथि इरानका सर्वोच्च नेता अलि खामेनीको हत्या गर्ने आपराधिक आक्रमण गरेको आरोप लगाएका छन् ।
शनिबार इरानमाथि अमेरिका–इजरायलको आक्रमणपछि इरानले मध्यपूर्वभरि आफ्नो जवाफी हमला गर्दै तनाव बढाएको छ ।
यो खबर पढेर तपाईलाई कस्तो महसुस भयो ?
प्रतिक्रिया