काठमाडौं । अमेरिकी सिनेटले बिहीबार गृह सुरक्षा विभागको लागि आवश्यक बजेट विधेयक पास गर्न सकेन । विधेयकलाई अघि बढाउन ६० मत आवश्यक थिए, तर प्रक्रियागत मतदानमा केवल ५२–४७ मत मात्र प्राप्त भयो।
यसको अर्थ, शुक्रबारदेखि विभागको अस्थायी बजेट समाप्त हुँदा आंशिक सरकारी कामकाज बन्द हुने सम्भावना बढेको छ ।
यो राजनीतिक अवरोध मिनियापोलिसमा संघीय सुरक्षाकर्मीद्वारा दुई अमेरिकी नागरिक – रेनी गुड र एलेक्स प्रेटी – को गोली हानी हत्या भएपछि आएको हो । हत्यापछि डेमोक्र्याटहरूले आप्रवासन एजेन्सीहरूको कार्यशैलीमा सुधारको माग गर्दै आएका छन् ।
हालै, कङ्ग्रेसले बाँकी आर्थिक वर्षका लागि धेरै संघीय एजेन्सीहरूलाई बजेट उपलब्ध गराउने प्याकेज पारित गरेको थियो । तर गृह सुरक्षा विभागले हालको बजेट स्तरमा केवल दुई हप्ताका लागि मात्र निरन्तरता प्रस्ताव पाएको छ ।
यो खबर पढेर तपाईलाई कस्तो महसुस भयो ?
प्रतिक्रिया