काठमाडौं । इण्डोनेसियाको मध्य जाभा प्रान्तमा भारी वर्षापछि पहिरोले ठुलो क्षति पुर्याएको छ ।
पान्डानारुम जिल्लाको पान्डानारुम गाउँमा गएको पहिरोमा हालसम्म १० जनाको मृत्यु पुष्टि भएको छ भने १८ जना अझै बेपत्ता छन् ।
विपद् न्यूनीकरण एजेन्सी (बीएनपीबी) का प्रवक्ता अब्दुल मुहारीका अनुसार, बिहीबार सात जनाको शव फेला परेको थियो र थप खोजीपछि मृत्यु हुनेको संख्या १० पुगेको हो ।
मुहारीले भने, ‘लामो समयसम्मको वर्षा, ठुला मुहानहरूको उपस्थिति र वरपरका पहाडमा रहेका चिराहरूले माटो कमजोर भएको कारण पहिरो गएको हो ।’
स्थानीय अधिकारीहरूले ४८ घर ध्वस्त वा भत्किएको र १९५ व्यक्ति प्रभावित भएको रिपोर्ट दिएका छन् ।
राष्ट्रिय खोज तथा उद्धार एजेन्सी बसर्नास, सेना, प्रहरी, स्थानीय विपद् व्यवस्थापन एकाइ र स्वयंसेवकसहित ७ सयभन्दा बढी कर्मचारीहरू उद्धार कार्यमा खटिएका छन् ।
यो पहिरोले क्षेत्रका बासिन्दामा ठुलो त्रास फैलाएको छ र प्रभावित क्षेत्रमा राहत र उद्धार कार्य तीव्र रूपमा जारी छ ।
यो खबर पढेर तपाईलाई कस्तो महसुस भयो ?
प्रतिक्रिया